“Moitos usuarios” non quere dicir “moita participación”

Óscar Giménez, de Diario Médico, unha publicación especializada para profesionais da saúde do grupo Recoletos, comenta a paradoxa de que unha audiencia abundante e hiperespecializada non ten que conlevar, necesariamente, un alto nivel de participación en ferramentas da web 2.0. Deste xeito, blogs moi visitados dentro da web de Diario Médico non obteñen, necesariamente, un elevado número de comentarios. É dicir, a apertura do servizo non implica a participación dos usuarios, e esta participación non responde a ningunha proporción con respecto á audiencia global do sitio web, senón a outras variábeis. Un caso claro dentro de Diario Médico é a sección Eureka, que compila as colaboracións de médicos do Estado en revistas científicas de saúde, e no que si se rexistran altos índices de contido creado polos usuarios.