Baixaba eu hoxe para casa despois dunha esgotadora sesión de traballo de quince horas, que se sumaba a outras similares nos dous días precedentes, en continuidade coa infernal semana anterior. Esgotado moral e mentalmente. Chovía pechado e con gañas, intenso e diluviante, e apareceron eles polo carril do carón, cubertos co seu chuvasqueiro refletante e enganchados como bonecos á traseira do camión. Son os emisarios ruidosos da noitiña, aturando o frío e os nenos de papá bébedos dos xoves pola noite. Para vostedes, o meu chapeu levantado desde dentro do habitáculo climatizado do coche, mentres escoitaba a Big City Rock. Grazas por ser os emisarios do necesario e imprescindíbel relativismo e por poñerme no meu sitio.
Manuel Gago é xornalista e profesor universitario. 
{ 2 comments… read them below or add one }
gustacheme ben a foto, mesmo parecen xente da nasa….ou de calquer outra mision perigrosa…ainda que a que teñen xa ten perigo bastante, soio con aturar os restos dos excesos das movidas…saudos
Si, fixen varias fotos. Algunhas eran bastante máis claras, máis informativas. Pero esta gustoume moito máis. É máis evocativa.