Os móbiles do futuro: ferramentas para capturar a imaxinación

Nokia Design, que é a división I+D de Nokia en todo o relativo a interfaces de usuario, presentou hai pouco unha serie de vídeos (vía) nos que presenta os “conceptos”, é dicir, as ideas aínda non desenvolvidas, nas que están a traballar para desenvolver as futuras interfaces dos móbiles. Estes dispositivos, sen dúbida, serán os aparellos nos que apreciemos máis cambios funcionais, tecnolóxicos e estéticos nos vindeiros anos. Os dous vídeos especulan sobre a evolución do teléfono móbil nun futuro bastante próximo en tres direccións:

O responsábel de Nokia Design, Alastair Curtis, define claramente esta filosofía cando afirma que no futuro inmediato:

More than ever design will need to bring technology alive in order to capture the imagination of the consumer. It’s not just about what the phone can do, it’s moving towards ‘what can I do with the phone?’ and ‘what can I do through the phone?’.

Teño que dicir que, efectivamente, a miña reconciliación coa telefonía móbil veu a partir do Nokia 6280, unha ferramenta multimedia moi funcional e facilmente conectábel que nutre bastantes das imaxes e sons deste blog. O móbil xa non era un aparello disociado e unifuncional, senón algo que comeza a permitir facer outras funcións da nosa vida con calidade.

O único que me estraña é que os deseñadores de Nokia non parecen especialmente preocupados pola incompatibilidade da que adoecen aínda os teléfonos, con pequenos sistemas operativos propietarios a miúdo incompatíbeis entre si. Se cadra, parella á innovación en interfaces, a telefonía móbil debería apostar pola definición de estándares de software. Aínda é un mundo moi escuro.