Christian Kerrigan, o arquitecto e editor da revista The Space Between, especula coa formación de estruturas simbióticas deseñadas con tecnoloxía e natureza que evolucionen en ciclos superiores vitais aos dos homes: “Acadamos un punto na nosa evolución onde somos capaces de crear criterios de deseño para manipular o crecemento e desenvolvemento da natureza”.

Kerrigan deseñou un proxecto para actuar sobre unha nova plantación forestal: a través de estruturas de armazóns e aramios que moldeen o crecemento das árbores, o obxectivo é deseñar un barco que se constrúa no interior do bosque, ao longo de douscentos anos, nunha relación simbiótica entre árbores e armazón e sen intervención humana alén da disposición inicial. O barco está inspirado no Poema do Antigo Mariño, de Coleridge, unha narración poética fantástica sobre a mortalidade humana. O sistema coñece a evolución do proxecto a través dunha clepsidra alimentada coa resina das árbores, que dan a medida do paso do tempo.

Máis fotos e información en Interactive Arquitecture