Parte do futuro das noticias nos medios dixitais -e as variantes que estes teñan cos vindeiros cambios tecnolóxicos- estará en trasladar virtualmente ao usuario ao lugar dos feitos e axudarlle a interpretalos in situ. Por suposto, esta solución narrativa non valerá para todas as noticias e, nin sequera, para moitas delas. Pero aproximará as informacións xornalísticas ao xeito no que o usuario percibe o mundo: en tridimensional e de xeito interactivo.

Entrementres, xa se ensaian fórmulas baratas e sinxelas, como a aplicación da fotografía envolvente en 360º na narratividade das historias. Un bo exemplo é este especial do Washington Post sobre os desastres do Katrina.