Nouturnio (06/03/04)

Gonderande chega de Ourense rebentado. Está presionado, moi presionado. ¿O traballo? “Qué carallo o traballo, o cabrón do meu compañeiro de piso, non lava un puto prato, limpa só a súa taza de almorzo, pasa ás mañás tres cuartos de hora no baño”. Imos con Protools ata o Zaguán, para tomar unha algo máis tranquila. Disección científica dos comportamentos nocturnos. Pro imparte cátedra definindo a teoría do pisotón, procedente dun amiguete DJ: “ti sabes que unha tía lle está entrando a un amigo teu, entrando digo, non só falando, cando lle pisas un pé e non protesta”. A segunda ensinanza é a “curva de inflexión”. O bico que inicia un rollo nocturno só se pode dar cando se está no alto da curva de conversación, e iso só é un luminoso instante. “Ti vas falando nun crescendo: se te despistas ou non te atreves cando caia a curva non terás nada que facer”. Zul rise máis tarde e dános a razón. Gonderande marcha durmíndose para a súa casa convencido de que aprendeu algo máis. A Compañía Globe pasa cantando la Bien pagá pola Praza de Mazarelos.