Hoxe, durante unha xeira por terras de Taboada e Chantada, presentouse o Calendario do Románico 2016 da asociación O Sorriso de Daniel, con fotografías de Sole Felloza e textos de Xaime Delgado, o crego que tanto loitou pola conservación e comprensión do románico lucense. O calendario é unha excelente mostra dos tesouros que esconde Galicia. O románico rural, que é un románico de igrexas modestas e non de grandes catedrais, ofreceu un importante impacto visual. Percorrendo estas antigas e fermosísimas terras de Chantada e Taboada, puidemos apreciar como o país, todo el, é un tesouro.
Aquí podedes ver unha escolma destas pequenas marabillas, retratadas con moitísimo mimo con Sole. A impresión do Calendario (feita en Galicia) é unha auténtica gozada. O papel consegue representar todo o volume e a textura que, desta volta, Sole conseguiu extraer do noso teimudo granito. A foto de arriba é o pórtico lateral de San Miguel do Monte.
San Paio de Muradelle. Apreciade a tremenda fisura que ten o tímpano e o risco que ten para a súa preservación.
San Cristovo de Mouricios
San Pedro de Bembibre
O ‘green man’ de San Miguel de Castelo, feito en estilo Taboada (cara estirada) e recordos castrexos (ollos pechados)
San Xiao do Campo
Para conseguir o catálogo podes informarte no web do Sorriso de Daniel e no seu perfil de Facebook. Espera uns días a que publiquen a lista de puntos de venda.
maravilhoso retrato da pedra. nom atopei na nova uma referencia onde conseguilo. obrigado
Si o pon. Na parte de abaixo do post.
Zeer mooie fotografie.
Dank u voor zoveel moois.
fdc