Investigación e reflexión arqueolóxica no verán: dúas xornadas de gran interese

Castro das Barreiras (Vimianzo), un dos eixos da xornada “Que sabemos dos castros?”

Desde que me dedico á práctica do xornalismo, a carencia terrible de información no verán súplese cos cursos e as xornadas específicas sobre os ámbitos nos que estás especializado, e que adoitan salvar a cobertura informativa das semanas duras de xullo e agosto. Que sería dos xornalistas sen cursos de verán! Así que o verán sempre é para min un tempo pracenteiro no que se comparten achados, reflexións e visións que se poden presentar cun pouquiño máis de vagar que durante as presas dos invernos. Este verán teño a honra de participar -reflexionando ao redor da comunicación e da ciencia- nestes dous eventos con propostas moi interesantes sobre o coñecemento da prehistoria do Noroeste.

Do obradoiro ó corpo: o metal como expresión de poder na protohistoria do Noroeste
Reunión Científica. 3 e 4 de Xullo. Edificio Padre Sarmiento, Santiago. Organiza: INCIPIT. Coordina: Xosé Lois Armada
[ver programa e datos de inscrición]

Que sabemos dos castros? Xornadas sobre investigación, didáctica e comunicación da Idade do Ferro
28-30 de setembro. Vimianzo. Organiza: Concello de Vimianzo. Coordina: Ángel Concheiro
[ver programa e datos de inscrición]