Paréceme magnífico o proxecto de robot Q.Bo que promove o equipo de investigación español The Corpora e que comezarán a comercializar en breve. A súa filosofía resúmese en palabras de enorme poder: Design + Linux + Arduino + ROS + Standards = QBO. Este robot está destinado á aprendizaxe doméstica de conceptos de hardware e a desenvolvemento de software, e é un paso adiante na didáctica popular para facer confluir experimentación con imaxinación.
O fundador de The Corpora alude a esta marabillosa imaxe para comprender o seu soño de crear o robot Q.Bo:
As lecturas, de cativo, de ducias de libros de ciencia-ficción onde a robótica do futuro xa estaba imaxinada. Se cadra nestes soños literarios sobre as grandes preguntas da cibernética: a identidade, a conciencia e a intelixencia das máquinas, estean detrás destes adorables vídeos nos que o robotiño Q.BO experimenta co seu propio recoñecemento como ente.
Contidos relacionados
Croc-Duino: a gravación de anfibios e réptis en tempo real
Software para mover o rato coa cabeza
lainformacion.com: a esperanza no Mr. Marshall tecnolóxico como novo modelo de cibermedio
Robots aéreos: unha ollada revolucionaria sobre o mundo
R.fm: porque os blogs poden ser moitas cousas
A Máquina do Tempo: unha app para o futuro do pasado
Be First to Comment