Preparando o Fórum’12: paixón de río no Silabario de Tui

Last updated on 13 / Febreiro/ 2012

No medio da fronteira. Fotos: Sole

Os días están fríos e fermosos. Nestes días a luz do río Miño é especial; o río baixa baixo, feble ante as escasas chuvias, pero aínda así está fermoso, tranquilo, se cadra demasiado transparente para este febreiro. Viaxamos ata Tui para volver probar o Silabario e preparar co chef Alberto González e a súa segunda de a bordo, Raquel Alonso. O martes 28 de febreiro Alberto e Raquel presentarán no Fórum Peixes ancestrais do Miño, paisaxes culinarias de fronteira e estamos traballando na presentación: no ritmo, nas ideas. A historia promete, pero será o pai Miño quen dictamine como será finalmente a ponencia destes novos cociñeiros. Eles, tan tranquilos.

O Pai Miño sempre provee.

Entrementres, a cociña do Silabario segue en crecemento. Non creo que a estrela Michelín cambiara o seu xeito de cociñar, ou o mellorara. Pero desde a última vez que estivemos aquí (ver post), adega e cociña foron medrando. A brasa xa é todo un sinal de identidade deste restaurante. Un espazo moi persoal, moi único, unha cociña moi singular en Galicia. E o comedor petado. Aquí van algúns exemplos de delicias:

Por certo, durante o xantar degustamos un par de botellas dese tesouro descoñecido dos viños portugueses que é a Bairrada. Explorade ese mundo, que paga a pena!