Dentro dos numerosos pagos -case viños de finca- que se están a crear legalmente nas Castelas como un xeito de diferenciación, gustoume moito este Pago Florentino. Feito a partir de cencibel -ou sexa, tempranillo-, trátase dun viño de capa bastante intensa que dá lugar a un viño con corpo, pero moi saboroso, moi goloso, doado de beber, que encaixa ben con aqueles afeccionados aos que lles gusten os viños con presenza e que pegará de marabilla cunhas carnes á grella ou estofados. En Valladares (Santiago) véndese por 11 euros.
Be First to Comment