OroWines e Vinos del Habla: maratón de catas en Compostela

Tremenda sesión de cata onte pola tarde en Santiago, para poder coñecer viños interesantísimos que non están ao alcance de gran parte dos petos. Por unha banda, os viños promovidos por Jorge Ordóñez (o principal importador de viños españois nos Estados Unidos) a través do seu proxecto Oro Wines (enólogos itinerantes por denominacións, creadores de viños preparados para un público internacional), nunha presentación argallada pola distribuidora, Redoma Calidad. Alí puiden catar esas marabillas que son El Nido 2006 e o Mas de Can Blau 2006, así como os alucinantes viños doces malagueños de Ordóñez (que son unha locura, tanto o 2 coma o 3).

Do Araguaney, a todo correr ata a Viña de Xabi, onde se presentaba un proxecto que tiña moito interese en coñecer, os Vinos del Habla, de Trujillo (Extremadura); o equipo da adega propúxonos unha vertical dos cinco viños que sacou ao mercado a adega. Todo moi intenso. Resumido, procesado e anotado, pódelo ver en The Wine Codex.

Be First to Comment

Deixa unha resposta

O teu enderezo electrónico non se publicará