Os emparrados sobre ríos

Este vídeo posteado hoxe en Certo e gravado por Arben1312 no val de Nebra, no Porto do Son, é o típico que, cando o ves, dis “¡é verdade, canto tempo!“. O certo é que xa non quedan moitos destes emparrados sobre os regatos próximos ás aldeas, pero sen dúbida é un xeito único e moi distintito de cultivar o viño que só ten lóxica nun país como Galicia, no que se combina un minifundio atroz coa abundancia de ríos (espazos pouco aproveitábeis), e bastante sorprendente. Non sei como será a calidade dese viño de regato (parras e tanta humidade sospeito que deben dar unha uva de pouco grado e un viño moi ácido), pero é unha técnica cando menos chamativa e única.