Mirar o Universo polo ollo da pechadura: a lección de Eduardo Galeano


Manuel Rivas, presentador, e Eduardo Galeano. Foto: Sole

A ampla sala do Auditorio de Galicia ficou pequena para acoller a todo o público que fumos ver a Eduardo Galeano onte pola tarde: o escritor uruguaio presentaba o seu novo libro Espejos. Una historia casi universal, nun acto organizado polo Clube Internacional de Prensa. Eu fico impresionado pola capacidade de atracción deste home, capaz de seducir e engaiolar a enormes masas lectoras cun discurso que funde diferentes tonos nun único discurso: o poético, o íntimo, o xornalístico, a crónica, a confesión, a análise. Galeano escribe libros que son coleccións de posts, que alumean o universo e a realidade das inxustizas de América Latina e o resto dos países subdesenvolvidos desde a esperanza e o humor: “a realidade está embarazada doutra realidade”, asegura. En Espejos -libro que xa temos na casa- aborda esta cuestión. Escribe a historia das historias distanciadas da Historia oficial: as mulleres, as minorías étnicas, África, Asia, os indíxenas, nos seus posts que son intensos como revelacións, irmáns daquel estilo de narrar que tanto gustaba a Rafael Dieste.

“O mellor que o mundo ten”, asegurou Galeano, “é a cantidade de mundos que contén”. Aquí vos deixo cun pequeno fragmento da conferencia, para quen non puido asistir. O audio é moi malo, pero coller son ambiente desde o móbil no medio do Auditorio non dá para máis. Son dúas historias: a primeira narra un fusilamento na Coruña, a segunda especula sobre os pintores da arte rupestre das cavernas.

Anterior: Un serán con Eduardo Galeano

6 Comments

  1. 13 / Maio/ 2008

    Canto temps, sr Gago!!!! Son Carri, de San Agustín, acordaste? Pois nada que atopei o teu blog de casualidade e aquí estou para mandarte unha aperta.

    Espero que te vaia todo moi ben.

  2. 13 / Maio/ 2008

    Vaime, Carri, vaime. Fíxate que casualidade, mañá andarei polo San Agustín nun ciclo de cinema!

    Un pracer saber de ti. Tremendo viaxe austral que te pegaches!

  3. Anxa
    14 / Maio/ 2008

    Facendo un pouco de autobombo, hai outra entrevista en Galiciae:
    http://www.galiciae.com/nova/10871.html

    Charlar 15 minutos con este home reconcíliate co xornalismo.
    Apertas.

  4. Rodrigo
    16 / Maio/ 2008

    hola. Si os interesa ver alguno de los otros actos de Galeano en esta visita la editorial ha montado una web que está bastante bien http://www.sigloxxieditores.com/galeano

Deixa unha resposta

O teu enderezo electrónico non se publicará