Seguindo os clons cigarróns de Verín

Os clons cigarróns fascínanme: son unha mestura dun universo de replicantes e un libro de Xaquín Lorenzo Xocas. Aquí, en Verín, na comarca de Monterrei, no epicentro dos replicantes do entroido galego, este domingo foi unha explosión de cencerros, cores, carreiras e ritmos. O Entroido aquí está vivísimo: homes e mulleres, nenos e nenas participan do disfraz e corren polas rúas de Xinzo, convertendo as estreitas ruelas nun estourido de cencerros e luxosos traxes confeccionados a man mercé a unha estrita tradición. Porque sabemos que é Entroido, senón a súa figura mil veces clónica daría ata medo. O momento máis divertido é cando os cigarróns esperan aos veciños á saída da misa e -simbolicamente- os zurran nun ameazante corredor. Aquí vai a reportaxe fotográfica que fixemos Sole e máis eu. Tamén tes un vídeo cos sons e movementos dos cigarróns agardando a saída dos parroquianos da misa e o meneo xenial que fan os cigarróns coas cadeiras para bater os cencerros.

Un epílogo: