Portadas das publicacións da aplicación offline de Índigo.
Reporte Índigo -e o seu suplemento Piensa Índigo-, son as dúas cabeceira da Experiencia Índigo. Unha curiosísima proposta mexicana de xornalismo multimedia distribuído a través de Internet, pero dispoñible en paquetes de aplicación. É dicir, descargas ao teu ordenador número a número (13 megas), e cárgase un proxector de Flash que presenta unha revista cun uso extensivo do multimedia. Índigo simula unha publicación en papel, pero engadíndolle unha navegación por índice, numerosas ‘metáforas’ na interface e un uso extensivo do vídeo, dos recursos de audio e de interacción do usuario coa superficie de lectura. Audio en planos diferentes, un deseño do texto moi preparado para a lectura en pantalla son algúns dos exemplos desta curiosa publicación que combina análise política, estilos de vida, medio ambiente, deseño… Para poder baixarse os números da revista hai que rexistrarse (gratuitamente). Seguirémola moi de preto.
Contidos relacionados
As obras da autovía Santiago-Lugo desvelan unha singular estrutura arqueolóxica
Xa está na rede Coas Nosas Mans, un documental web sobre alimentación e cultura en Galicia
Lugrís Freire e a Alba do Século XX
Serán así as cociñas do futuro?
I+C. Oportunidades e desafíos para a cultura galega en Internet: o libro
Influencias e confluencias: como Internet cambia o concepto de vídeo
Pois se que é interesante, creo que na América Latina, hai máis proxectos (de novas tecnoloxias) interesantes do que cremos, é verdade que ao mellor internet non ten a penetración que en Europa ou EEUU pero hai deseñadores, blogueiros, webs a artistas multimedia moi atractivos.