O César Príncipe é un dos viños de maior sona da denominación de orixe Cigales (Valladolid). Nacido de vellas cepas de tempranillo, é unha das primeiras promesas reais dunha zona ata agora dedicada aos rosados pero que agora disfruta cos tintos. É un viño espeso, de taninos moi potentes e, polo tanto, con bastante astrinxencia. Non é un viño nada, pero nada doado. Hai que acompañalo dun pote contundente, se cadra de caza ou guisos, e máis no inverno. A súa enorme carga etílica resultoume algo agresiva de máis. Estamos acostumados a viños de 14º como moito. Estas temperaturas desérticas andan a provocar grados altísimos. Serán estes os viños da meseta dentro de trinta anos? Viños cargados de alcol ata as cellas? O César Príncipe, na súa espesura tánica, evoca a froita moi madura, vermella, compota, pechado na súa cor, case negro coma os tintos de Cahors. Nada malo, pero agresivo. Unha aventura, pero de inverno.
Be First to Comment