Un novo equipo de xornalistas dixitais no país acaba de lanzar Cortázar en Galicia, un proxecto “flashy” que reinterpreta os contidos da exposición “Ler imaxes: o universo fotográfico de Julio Cortázar”, que se puido ver en Compostela nestes meses. O proxecto propón unha lectura interactiva da exposición, na que hai desde pequenas chiscadelas ao universo literario de Cortázar ata espazos máis biográficos. Se cadra a área máis espectacular sexa a Exposición virtual, para a que o equipo modelou en 3D a Igrexa da Universidade de Santiago e as salas do Pazo de Fonseca e insertou os modelos tridimensionais en flash. O traballo é dunha altura notabilísima, especialmente se temos en conta que é o seu primeiro proxecto profesional -aínda que antes, boa parte deles traballaran noutro enorme proxecto multimedia, O Camiño Antigo. Juan Castro, Eliana Martíns, Silvia Canabal e Marcos Ferro cursaron o itinerario de Xornalismo Electrónico na Facultade de CC. da Comunicación de Santiago e foron inquedos alumnos meus. Parabéns, rapaces e rapazas :-)
Gracias Manolo
Creo que vai sendo hora de desvelar que che debemos boa parte da nosa inspiración. Todo comezou naquela clase que debeu ser bastante similar a cando Adán e a Eva escoitaron falar por primeira vez da mazán do coñecemento.
Naquela clase, despois dun par de minutos nos que se che vía dubidativo, atrevícheste a dicir:
“Rapaces. Vou facer algo do que sempre me acabo arrepentindo…
…Hoxe ides aprender a facer algo que non debedes repetir nunca…
…Hoxe ides aprender a facer…
GIFs ANIMADOS!!!!”
Despois diso, un novo mundo de creatividade multimedia se abríu ante nos.
Aí comezou todo ;)
Eso,
gracias mestre jedi… ;)
Duplo comentario. O primeiro de agradecemento, non só pola promo, senón polo apoio e polos bos consellos (neste proxecto e en anteriores). E o segundo aos meus compañeiros, graZas!
E para rematar, por iso da imaxe corporativa, pois… ;)
Agora xa sabedes, o seguinte hai que facelo o doble de ben. Lei de vida a partir de agora ;)