Curriculum académico completo

(Palmeira -Ribeira-, 1976, ou tamén Pobra do Caramiñal, no mesmo ano)

Xornalista. Na actualidade son director de culturagalega.org, o portal de divulgación cultural do Consello da Cultura Galega, dende a súa fundación en outubro do 2.000. Tamén son profesor asociado na Facultade de CC. da Comunicación da Universidade de Santiago.

Culturagalega.org: O tratamento innovador da información cultural fíxolle merecente en febreiro do 2001 o premio "Nuevos Lenguajes del Periodismo" na súa categoría de medios dixitais convocado pola Fundación Coca-Cola España fronte a espacios con moitos máis recursos económicos, humanos e publicitarios coma Antena 3 TV ou edición dixital de El Mundo. Ao mesmo tempo, no mesmo ano 2001 culturagalega.org ficaba situado entre os dez mellores sitios culturais do Estado español nos Premios iBest, de recoñecida sona internacional.

Desenvolvo o meu traballo de investigación universitaria no Grupo de Novos Medios da Facultade de CC. da Comunicación da Universidade de Santiago de Compostela (Galicia) -onde tamén me licenciei. Na actualidade preparo a miña tese de doutoramento sobre a evolución dos xéneros xornalísticos nos cibermedios. Teño participado na redacción de varios volumes sobre xornalismo electrónico e diagnoses sobre o sector da información en Internet en Galicia e no Estado.

Ao mesmo tempo, como deseñador ou arquitecto da información, ou na dirección de proxecto, teño participado na elaboración de diferentes medios de comunicación en Internet, prototipos ou productos multimedia en CD-Rom.

Son fanático da literatura, a arqueoloxía, as boas viaxes, a boa mesa e a mellor música.